Православный пост. Рецепты постных блюд - Иоланта Прокопенко

Тобою нам, Владычице, невидимый видим бысть, и Тебе мольбу приносим, Госпоже, грешнии раби Твои: о премилостивая и пречудная света умнаго Царице, рождшая Царя Христа Бога нашего, Живодавца всех, от небесных славимая и от земных хвалимая: ангельский уме, светозарная звездо, святых пресвятейшая, Царице цариц, владычице всех тварей, Боголепная Девице, нескверная Невесто, палато Духа Пресвятаго, огненный престоле невидимаго Царя, небесный кивоте, носило Слова Божия, огнеобразная колеснице, покоище живаго Бога, неизреченное составление Плоти Христовы: гнездо Орла Небеснаго, горлице Богогласная, голубице кроткая, тихая и незлобивая, мати чадолюбивая, милостей бездно, разверзающая тучу гнева Божия, неизмеримая глубино, неизреченная тайно, несведомое чудо, нерукотворенная церкве единаго Царя всех век, благоуханное кадило, честная багрянице, Боготканная порфиро, душевный раю, живоноснаго сада отрасле, цвете прекрасный, процветший нам небесное веселие, грозде спасения нашего, чаше Царя Небеснаго, в нейже растворися от Духа Святаго вино неизчерпаемая благодати, Ходатаице закона, зачало истинныя веры Христовы, непоколебимый столпе, еретиков пагубо, мечу ярости Божия на Богопротивных, бесов устрашение, во бранех побеждение, христиан всех неложная хранительнице, и мира всего известное спасение.

О всемилостивая Госпоже, Дево, Владычице, Богородице, услыши нас молящихся Тебе и яви милость Твою на людех Твоих, моли Сына Своего избавитися нам от всякаго зла, и сохрани обитель нашу, и всяку обитель, и град, и страну верных, и люди благочестно прибегающыя и призывающыя имя Твое святое, от всякия напасти, губительства, глада, потопа, огня, меча, нашествия иноплеменников, междоусобныя брани, от всякия болезни, и всякаго обстояния: да ни ранами, ни прещением, ни мором, ни всяким праведным гневом Божиих умалятся раби Твои: но соблюдай и спасай милостию Своею, Госпоже, за ны молящися, и полезное благорастворение воздуха ко времени плоднаго приношения нам даруй: облегчи, возстави и помилуй, премилостивая Владычице, Богородице препетая, во всякой беде и нужде сущыя.

Помяни рабы Твои, и не презри слез и воздыхания нашего и обнови нас благостию Своея милости, да со благодарением утешаемся обретше Тя Помощницу. Умилосердися, Госпоже Пречистая, на немощныя люди Твоя, надеждо наша: разсеянныя собери, заблуждшыя на путь правый настави, отпадшия от благочестивыя отеческия веры паки возврати, старость поддержи, юныя накажи, младенцы воспитай, и прослави славящыя Тя, изрядне же Церковь Сына Твоего соблюди, и сохрани в долготу дний.

О милостивая и премилостивая Царице небесе и земли, Богородице Приснодево! Ходатаиством Твоим помилуй страну нашу и христолюбивых жителей ея, и вся православныя христианы, сохраняющи их под покровом милости Твоя, ризою Твоею честною защити: и моли из Тебе воплощшагося без семене Христа Бога нашего, да препояшет ны свыше силою на вся видимыя и невидимыя враги наша, на иноплеменники и единоплеменники, воюющыя на ны и на веру нашу православную.

Спаси же и помилуй, Госпоже, святейшия патриархи, митрополиты, преосвященныя архиепископы и епископы православныя, иереи же и диаконы, и весь причет церковный, и вся правоверныя люди покланяющыяся и молящыяся пред честною Твоею иконою. Призри на всех призрением милостивнаго Твоего заступления: Воздвигни нас из глубины греховныя, и просвети очи сердечныя ко зрению спасения, милостива нам буди зде, и на страшном суде Сына Твоего о нас умоли, преставльшыяся во благочестии от жития сего рабы Твоя, в вечной жизни со Ангелы и Архангелы, и со всеми святыми причти, да одесную Сына Твоего и Бога предстанут: и молитвою Твоею сподоби вся православныя христианы со Христом жити, и радости ангельския в небесных селениих наслаждатися. Ты бо еси, Госпоже, слава небесных и упование земных, Ты наша надежда, и заступница всех притекающих к Тебе, и Твоея святыя помощи просящих: Ты молебница наша теплая к Сыну Твоему и Богу нашему: Твоя матерняя молитва много может на умоление Владыки, и Твоим предстательством ко престолу благодати Пресвятых и Животворящих Его Таин приступати дерзаем аще и недостойнии.

Темже всечестный образ Твой, и рукою Твоею держимаго Вседержителя видяще на иконе, радуемся грешнии, со умилением припадающе, и любовию сей целуем, чающе, Госпоже, Твоими святыми Богоприятными молитвами дойти небесныя безконечныя жизни, и непостыдно стати в день судный одесную Сына Твоего и Бога нашего, славяще Его купно со Безначальным Отцем, и Пресвятым, Благим, Животворящим и Единосущным Духом, во веки веков. Аминь.

(Читается на первой праздничной трапезе вместо обычной формулы благословения.)

О Пресвятая Госпоже наша, Дево Богородице, и по отшествии Твоем от земли людей православных не оставляющая, но присно милостями Своими посещающая, радости наши усугублющая, скорби утоляющая! Благодарим Тя, яко и ныне даровала еси нам радость достигнути праздника чеснаго Твоего Успения, утешитися торжеством церковным, усладитися пищею духовною — похвалами, во славу Твою воспетыми. Веруем, Владычице, яко Твоего ради ходатайства даровано нам и утешение телесное — трапеза праздничная. Моли убо, Пречистая, Твоего Сына и бога нашего, всех благ Дателя, да благословит Он праздничные снеди, наипаче сия, от нихже, повинующеся Уставу Святой Церкви, православные люди воздерживались в мимошедшие дни поста, да будут оне вкушающим их со благодарением во здравие, в подкрепление сил телесных, в веселие и радость, да вси мы, всякое довольство телесное имуще, изобиловати будем и в дела благая, и от полноты благодарнаго сердца славити питающаго и не по грехам нашим милующаго нас Твоего Божественнаго Сына Христа Бога нашего, купно со Безначальным Его Отцем и Святым Духом, и Тебе, нашей Матери Благодатной, Предстательнице, Помощнице и Утешительнице, вкупе со святыми апостолами молебно и благодарственно взывати: Пресвятая Богородице, помогай нам всегда, ныне и присно, и во веки веков. Аминь.

Если праздник Усипения Пресвятой Богородицы попадает на среду или пятницу, молитва читается перед трапезой на следующий день.

Возникновение Рождественского поста уходит корнями в древние времена христианства. Еще в IV веке исторические источники указывают на существование этого поста. Вначале он длился неделю, но в 1166 году по решению Вселенского патриарха Луки Хрисоверга он был увеличен до сорокадневного.

Рождественский пост длится с 28 ноября по 6 января и предшествует празднику Рождества Христова. Часто Рождественский пост также называют Филипповым постом, так как этот пост начинается на следующий день после праздника памяти апостола Филиппа. Заканчивается же пост Рождественским Сочельником 6 января.

Сочельник, или Сочевник — навечерие Рождества Христова. Это день строгого поста, которым заканчивается сорокадневный Рождественский пост. Название «сочельник» происходит от слова «сочиво» — это особое блюдо, которое готовят в канун Рождества Христова (в народе его называют «кутья», оно готовится из вареной пшеницы или риса с медом, символом сладости духовных даров, и фруктами). В этот день принято не вкушать еды до первой звезды. Этой традицией верующие вспоминают о Вифлеемской звезде, означавшей рождение Христа. Ужин в Сочельник проходил особенным образом. Перед началом ужина в доме зажигали свечи, лампадки и читали молитвы. Стол застилали пучком свежего сена — в честь рождения Христа в яслях, а также ставили на стол двенадцать постных блюд (по одному на каждого апостола, сопровождавших Христа). После ужина крестники идут к своим крестным отцам и матерям с пирогами и кутьей, чтобы поздравить их с Рождеством Спасителя, и получают подарки.